राप्तीसोनारी- बाँकेको राप्तीसोनारी गाउँपालिका वडा नं. २ अगैया स्थित बस दुर्घटना भएको छ । नेपालगन्जबाट दाङ तर्फ जादै गरेको भे१ख ३०३२ नम्बरको बस अगैयामा दुर्घटनामा परेको हो । बस दुर्घटना हुदा २ जना बालक सहित १३ जना घाईते भएका छन् ।
उक्त बसमा २५ जना यात्रु रहेका अस्थायी ट्राफिक पाेष्ट कुसुमका इन्चार्ज प्रकाश वि.कले जानकारी दिएका छन् । बस तीब्र गतिमा रहेकोले अनियन्त्रीत भई दुर्घटना भएको हुनसक्ने प्रहरीले अनुमान गरेको छ । बस दुर्घटनाको कारण बारे थप अनुसन्धान भईरहेको अस्थायी ट्राफिक पाेष्ट कुसुमले जनाएको छ ।