राप्तीसोनारी– बाँकेको कोहलपुरमा शनिबार वक्तृत्वकला प्रतियोगिता सम्पन्न भएको छ । वेटर लाइफ ईन्स्टिच्युट र डिभिट कम्प्युटर एकेडमीको आयोजनामा भएको प्रतियोगितामा ईन्स्टिच्युटमा अध्ययनरत १८ विद्यार्थीहरुले प्रतिस्पर्धा गरेका थिए ।
” संस्कार सहितको सीप र शिक्षा , आजको आवश्यकता ” वक्तृत्वकलामा विमला खड्का प्रथम ,खुसी ओली द्वितीय,नबिना बस्नेत तृतीय र पवित्रा खडकाले सान्त्वना स्थान प्राप्त गरेका थिए ।
प्रतियोगितामा उत्कृष्ट स्थान प्राप्त गर्ने विद्यार्थीहरुलाइ प्रमाणपत्र ,ट्रफी ,र पुरस्कर प्रदान गरिएको थियोे । वेटर लाइफ ईन्स्टिच्युटका प्रबन्ध निर्देशक सुवास सिह ठकुरीले विद्यार्थीहरुको पढाइ संगै अन्तरनिहित प्रतिभाको विकासमा सहयोग पुर्याउनका निम्ति प्रतियोगिताको आयोजना गरिएको बताए।
प्रतियोगितामा विभिन्न विद्यालयका शिक्षकहरु, विद्यार्थी ,संचारकर्मी लगायतको सहभागीता रहेको थियोे ।
