राप्तीसोनारी- राप्ती सोनारी गाउँपालिका वडा नम्बर ६ फत्तेपुर(हब्रहवा) स्थित जनशिद्धेश्वर बहुमुखी क्याम्पसमा निरा थारुको प्यानलै निर्वाचित भएको छ । उक्त निर्वाचनबाट स्ववियु सभापतिमा निरा निर्वाचित भएकी हुन् ।
क्याम्पसमा आइतबार सम्पन्न भएको निर्वाचनमा निकटतम प्रतिद्धन्द्धी अखिल क्रान्तिकारीका इन्द्रबहादुर थारुलाई पराजित गर्दै नेपाल बिद्यार्थी संघकी उम्मेदवार उनी निर्वाचित भएकी हुन् । निराले ८० मत ल्याउँदा प्रतिद्धन्द्धी इन्द्रबहादुरले ५८ मत प्राप्त गरेका थिए ।
यस्तै स्ववियु सचिवमा नागरिक बिद्यार्थी समाजका गंगाराम थारु ७५ मत ल्याएर निर्वाचित भएका छन् । यसैगरी कोषाध्यक्षमा अखिल नेपाल राष्ट्रिय स्वतन्त्र बिद्यार्थी युनियनका रमेशबहादुर थारु पनि ७५ मतका साथ निर्वाचित भए ।
त्यस्तै सदस्यहरुमा नेविसंघका कौशल बर्मा ८५, ओमप्रकाश धोबी(८४), अनामिका मौर्य(८५), बिपना घर्तीमगर(९६) र. नागरिक बिद्यार्थी समाजका बिश्राम थारु(७४) निर्वाचित भएको निर्वाचन समितिका मनबहादुर केसीले जानकारी दिएका छन् । निर्वाचनमा नेविसंघ, नागरिक बिद्यार्थी समाज र अखिल नेपाल राष्ट्रिय स्वतन्त्र बिद्यार्थी युनियनबीच गठबन्धन बनेको थियो ।
जनसिद्वेश्वर बहुमुखि क्यामपसमा स्वतन्त्र विध्यार्थि युनियाको चुनावमा जम्मा मत संख्या २०७ मध्य २०३ मत खसेको थियो । छात्र ७१
छात्रा १३२ जनाले मतदान गरेका थिए, भने ४ मत खसेको थिएन ।
